Агулам беспілотнікі атакавалі 17 расійскіх рэгіёнаў і абʼекты ў акупаваным Расіяй Крыме.
Міністэрства абароны Расіі паведаміла, што збіла 172 украінскія беспілотнікі, 60 з якіх выбухнулі ў Маскоўскай вобласці. Мэр Масквы Сяргей Сабянін пацвердзіў, што падчас авіяўдараў былі зачыненыя аэрапорты Дамадзедава, Шарамеццева, Унукава і Жукоўскі.
Пасля атакі ўкраінскіх беспілотнікаў на нафтаперапрацоўчым заводзе ў Капотні ўспыхнуў пажар. Завод пастаўляе бензін кліентам у сталіцы і Падмаскоўі. Пажар таксама ўспыхнуў на нафтаперапрацоўчым заводзе ў Палтаве, Краснадарскі край.
Ужо некалькі месяцаў штодня гараць абʼекты нафтавай інфраструктуры ў Расіі. Незалежныя эксперты падлічылі, што Расія часова страціла больш за 40 працэнтаў свайго патэнцыялу ў гэтай галіне.
ПР/юл